Кулимбетов Амангельды Сейтмагамбетович
Күлімбетов Амангелді Сейітмағамбетұлы 1956 жылдың 14-ші маусымында Қызылорда облысының Қазалы ауданы Әйтеке би кентінде дүниеге келген. 1973 жылы Әйтеке би кентіндегі № 420-шы теміржол қазақ орта мектебін бітірген. Өз еңбек жолымды 1973 жылы Ақтөбе мемлекеттік медицина институтының биология кафедрасында лаборант қызметінен бастаған. 1974 жылы Алматы мемлекеттік медицина институтының педиатрия факультетіне түсіп, оны 1980 жылы ойдағыдай бітірген. Студент кезінде (1978-1980 жж.) студенттердің ғылыми қоғамын басқара отырып, 1-ші қалалық балалар ауруханасында орта медицина қызметкері болып жұмыс істеген (1978-1980 жж.). Институт бітірген соң ректораттың ұсынысымен институттың комсомол ұйымы (на правах райкома ЛКСМ Казахстана) хатшысының идеология жағынан орынбасары (1980-1983жж.), 1-ші қалалық балалар ауруханасында кезекші дәрігер (1983-1985жж.) және ҚР денсаулық сақтау министрінің көмекшісі қызметтерін атқарған (1985-1988жж.). 1988 жылдың ақпан айынан бері С.Ж.Асфендияров атындағы Қазақ ұлттық медицина университетінің оториноларингология кафедрасында қызмет жасап келеді: ассистент (1988-1998жж.), 1998-2012 жылдар аралығында доцент, 2012-ші жылдан бері оториноларингология кафедрасының профессоры қызметін атқарып келемін. 1987-1991 жылдар аралығында Мәскеу қаласындағы КОҒА-ның педиатрия ҒЗИ (НИИ педиатрии АМН СССР) сырттай аспирантурасында оқып, 1993 жылы екі сала бойынша: 14.00.36- аллергология, иммунология және 14.00.04- құлақ, мұрын және тамақ аурулары бойынша «Балалардағы аллергиялық риносинуиттердің өту барысына экологияның кейбір қолайсыз факторларының әсерлері» атты тақырыпта кандидаттық диссертациясын қорғаған. 2010 жылы 14.00.04 – құлақ, тамақ және мұрын аурулары саласы бойынша «Аралдың жартылай шөлейт аймағы балаларының ЛОР-мүшелері патологиясының ерекшеліктері және оның алдын – алу мен болжамын негіздеу» атты тақырыпта, Мемлекеттік тілде медицина ғылымдарының докторы ғылыми дәрежесін алу үшін докторлық диссертация қорғаған.
Университет студенттеріне екі тілде де дәріс оқып, машықтану сабақтарын жүргізеді, 140-ден астам ғылыми еңбектері жарық көрді. «Балалардағы құлақ аурулары», «Балалардағы жұтқыншақ аурулары» атты оқулықтардың және «Дәрігерлік дәріс» оқу құралының авторы. Медициналық ЖОО студенттеріне және дәрігер интерндерге арналған 6 типтік бағдарламарды шығаруға үлес қостым, алыс және жақын жатқан шет мемлекеттерге шығып, конгрестерге, ғылыми-практикалық конференцияларға қатысып, баяндамалар жасаған. Жоғарғы санаттағы дәрігер – балалар оториноларингологі, ҚР Балалар оториноларингологиясынан кәсіби стандарттың авторы және сараптаушы (эксперт).
– ҚР Білім және ғылым министрінің 2009 жылғы 18 ақпандағы № 68 бұйрығымен 2008 жылдың «ЖОО үздік оқытушысы» атағы берілген.
– Табысты еңбегі және университеттің дамуына қосқан үлесі үшін «Университеттің Алтын Қоры» конкурсының номинанты атағы берілді.
– 2016 жылы «Ұлттық Медицина Ассоциациясының» «Алтын Дәрігер» төс белгісімен қатар, университеттің «Алтын медаль» иегері атанды.
– 2018 жылы «Мерейлі отбасы» Ұлттық конкурсының Алматы қаласы Алмалы аудандық кезеңінің жеңімпазы атанды.
– АЛҒЫС ХАТ және бағалы сыйлық. «Еңбек қызметін көтермелеу белгісі ретінде, адал және жемісті жұмысы мен «Медициналық пойыздар» жобасын іске асыруға қосқан жеке үлесі үшін. «Самұрық-Қазына» ҰӘҚ АҚ Есімов А.С. және ҚР Денсаулық сақтау Министрі Біртанов Е.А. Нұр-Сұлтан қ., 2020
– С.Ж.Асфендияров атындағы ҚазҰМУ «Еңбек ардагері медалі», 2023 жыл.
– I дәрежелі Диплом. «Мемлекет басшысы Қасым-Жомарт Кемелұлы Токаевтың «Жаңа Қазақстан жаңару мен жаңғыру жолы» атты Қазақстан халқына арналған жолдауын қоғамға кеңінен насихаттау мақсатында өткен «ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ САЛАСЫНЫҢ ҮЗДІГІ» атты республикалық байқауына қатысып, жеңімпаз атанды, Астана қаласы, 2023 жыл.
– Денсаулық сақтау саласының дамуына қосқан елеулі үлесімен мінсіз қызметі үшін «ҚР денсаулық сақтау саласының үздігі» атты төсбелгісімен марапатталды, 2023 жыл.
– 29.09.2023 жылы Халықаралық ақпараттандыру академисының толық Мүшесі болып сайланған.
– ҚБ ХАА Президиумының шешімі мен 27.10.2023 жылы «Академик – төс белгісімен» марапатталған.
Шакаралиев Адиль Алибалаевич
Шакаралиев Адиль Алибалаевич 1974 жылы 31 мамырында дүниеге келген. 1991 жылы Қазақ мемлекеттік медицина университетіне «Емдеу ісі» мамандығы бойынша оқуға түсті. 1997 жылы Қазақ ұлттық медицина университетін бітірді. 1999 жылы 5-ші қалалық клиникалық ауруханасының базасында Қазақ ұлттық медицина университетінде ординатураны бітіріп, дәрігер- Оториноларинголог біліктілігін алды.
1999-2002 жылдары Қазақ ұлттық медицина университетінің Оториноларингология кафедрасында аспирант болды.
2003 жылы «Сенсоневралды кереңдікті кешенді емдеу» тақырыбында кандидаттық диссертациясын қорғады. 2003 жылы медицина ғылымдарының кандидаты(PhD) ғылыми дәрежесі берілді.
1999-2008 жылдары – Алматы қаласының №5 Қалалық клиникалық ауруханада (қабылдау бөлімінің және шаруашылық есептегі №1 бөлімшесінің дәрігері) ЛОР дәрігері болып жұмыс істеді.
2006 жылдан 2008 жылға дейін С.Д. Асфендияров атындағы ҚазҰМУ оториноларингология кафедрасының ассистенті болып қызмет атқарды.
2008 жылдан 2021 жылға дейін Төтенше жағдайлар медицина орталығының ЛОР Жақ-бет және пластикалық хирургия бөлімінде Оториноларинголог дәрігері болып жұмыс істеді.
2024 жылдан бастап бүгінгі күнге дейін С.Д. Асфендияров атындағы ҚазҰМУ оториноларингология кафедрасында ассистен профессор қызметін атқарады.
2000 жылдан 2010 жылға дейін Қазақстан халқы Ассамблеясының мүшесі.
2018 жылы ҚР Денсаулық сақтау министрлігі тарапынан «Қазақстан медицинасын дамытуға қосқан үлесі үшін» медалімен марапатталды.
Қоғамдық марапаттар жөніндегі Республикалық Кеңес Марапат алқасының 2019 жылғы 6 тамыздағы №120 бұйрығы бойынша «Медицина саласының үздігі» медалімен марапатталды. 7 ғылыми еңбек пен 1 патенттің авторы.
Мұқанова Жанетта Тоқтағанқызы
м.ғ. к., ҚазҰМУ КЕАҚ оториноларингология кафедрасының қауымдастырылған профессоры
Білім:
1991-1992 жылдары Семей мемлекеттік медицина институтында Оториноларингология бойынша интернатураны бітірген
1985-1991ж – Семей мемлекеттік медицина институтында оқу
Ғылыми дәрежесі мен атағы: 2008 жылдан – медицина ғылымдарының кандидаты
Еңбек қызметі:
Мамандығы бойынша өтілі-32 жыл 7 ай. Педагогикалық өтілі-20 жыл 10 ай, оның ішінде кафедра доценті лауазымында -13 жыл
2011 жылдан бастап қазіргі уақытқа дейін – ҚазҰМУ оториноларингология кафедрасының доценті.
2008-2011 жылдары-ҚазҰМУ оториноларингология кафедрасының ассистенті.
2004-2008 жылдары – СГМА оториноларингология кафедрасының ассистенті, кейіннен доценті (Семей мемлекеттік медицина академиясы).
1992 жылдан 2004 жылға дейін Семей облыстық ауруханасында – СГМА клиникалық оқу орталығында оториноларинголог-дәрігер болып жұмыс істеді.
Ғылыми жұмыс:
Мақалалар -46, оның ішінде халықаралық-10, Clarivate Analytics (Clarivate Analytics) (Web of Science Core Collection, Clarivate Analytics (Web of Sines cor collection, Clarivate Analytics))/Scopus (Скопус) немесе JSTOR (ДЖЕЙСТОР) -2 базаларына кіретін ғылыми журналдарда.
Монография-1
Пайдалы модель-1 патенті
Авторлық куәлік-5
Халықаралық ғылыми-зерттеу бағдарламалары мен жобаларының конкурстарына қатысу/ҚР БҒМ/бизнес құрылымдар-3
Әдістемелік жұмыс:
Білім беру бағдарламаларын, силлабустарды, өлшеу бақылау құралдарын әзірлеуші.
Оқытудың/бағалаудың инновациялық әдістерін енгізу – 8 енгізу актісі
Клиникалық жұмыс:
2008 жылдан бастап жоғары біліктілік санатты дәрігер. ҚР тәуелсіз сарапшыларының тізіліміне кіреді, шағымдар мен қылмыстық істер бойынша сараптама жүргізеді. ҚР өңірлеріне көмек көрсетеді – телемедициналық консультациялар.
Ұйымдастыру жұмысы:
Оқу доценті
КИС сараптамасы бойынша ШОМ-2 КОП жұмыс тобының мүшесі.
Марапаттары: ҚР ДСМ “Денсаулық сақтау ісінің үздігі” төсбелгісі, 2022ж; ҚазҰМУ күміс медалі, 2016ж; Алтын дәрігер, университет грамоталары
